شيلة سلام يا الشيخ الحكيم المستشار إهداء للأستاذ سعود القحطاني وأداء ناصر العيافي

شيلة سلام يا الشيخ الحكيم المستشار إهداء للأستاذ سعود القحطاني وأداء ناصر العيافي

سلام يا الشيخ الحكيم المستشار .. تسليمة يدري بها اللي ما درى
اقلط يابو خالد مقاليط الكبار .. وحنا بني عمك اليا رد البرى
يا هاجسي مال الكبار الا الكبار .. حتيش لو ان أكثر الناس شعراء
حنا على الكايد نزيد النار نار .. نمشي قدم ونموت ما نرجع ورى
سلام يا الشيخ الحكيم المستشار .. تسليمة يدري بها اللي ما درى

قسمك يابن عمي نسانيس الفقار .. واسمك فخر ربعك اليا منه طرى
اقلط يابو خالد على شط الحوار .. واللي مثل شرواك ما لحقه زرى
عمار يا نجد تعلى في المدار .. والفرق ما بين الثريا والثرى

والهقوه اللي كنها شمس النهار .. كني معلقها على قمة كرى
انت الفخر ويليق فيك الافتخار .. اليا حصل فالسوق بيع ومشترى
خط قلمك حكمة وهيبة واقتدار .. كبر على المضمون والله اكبرى

كلمتك لا عديتها قلنا عمار .. يوحي بها اللي لا كتب ولا قرى
فيك الثقة من عند حكام القرار .. واليا جرحت الخصم يبطي ما برى
وملوكنا الزحل طويلين العمار .. هم ذخرنا في نجد ولا ام القرى

في ظل سلمان الحزم والانتصار .. وبلادنا ما حولها ذل وعرى
عضده ولي العهد مقدام الحرار .. محمد محمد ويا نعم الطرى
الله يعز الدين وملوك الديار .. نحفظ ولانا ونتمسك بالعرى

يا سيفنا البتار يوم الوقت جار .. تستاهل التقدير قدام البرى
كبير قدر وجاد وفعولك شنار .. شيخ مقاليطك على عز وذرى
وابوك عبدالله عسى راسه مجار .. من روس شيخان دواهي واومرى

هذا ابن قاسم وابن قاسم له وقار .. شيخ الوهابه والوهابة تذكرى
وخوالك الويلان اهل قحص المهار .. فالحرب حرابة وفالعز خشرى
يا سعود انا ما قلتها رد اعتبار .. في غيركم لا نلتفت ولا نرى

وإن هددوك اللي مواقفهم صغار .. فلا جهدهم غير كذبة وافترى
يا ذخرنا هذي علومي باختصار .. وختامها مضمون مسك وعنبرى
اقلط يابو خالد مقاليط الكبار .. وحنا بني عمك اليا رد البرى