شيخ الأرض من غناء وليد الشهري وكلمات خالد الحزيمي إهداء للمستشار سعود القحطاني

يا هاجسي جاء للثناء وقت ميعاد .. مطلوب في رد الجمايل قصيده

قول(ن) ليا قلناه ما جاه نقاد .. واضح مثل شمس انهار الأكيده

في شخص ماهو شخص من ضمن الاعداد .. واحد وعن مليون فعل وعقيده

اللي ملا الدنيا بذكره والاشهاد .. واسمه على الألسن وصدر الجريده

الله لنا جابه مثل يوم الأعياد .. الله يعيد سعود ويعيد عيده 

ياسعود هذا ورث من ورث الأجداد .. إمارتك ماهيب امارة جديدة

امارتن مبطي على فعل وشداد .. شامت لابن قاسم ونعم الوليده

ابوك للوهابة حزام واسناد .. شيخ الشمل تشهد قبايل عبيده

شيوخ الارض وفي فضا الجو رواد .. متسلطنين من العصور المديده

قالوا وقالو مير وش عاد وش عاد .. القول ضلع طويق ماهز حيده

راسك عنيد وزاده الوقت بعناد .. لين اخضعت لك كل روسن عنيده

ياحر يا لحاق طلاع هذاد .. جول الحبارى منك راحت شريده

جمعتهم في شبكهم هاك الاوغاد .. وقفلت بابه دونهم بالحديده

هم يحسبون الحرب دله وبراد .. جهال واللي حاكمتهم فريده

حنا لها لا ثار بارود وزناد .. وانشد هل البصره مع اهل الحديده

حامينها حكامنا ملوك الامجاد .. في ظلهم عشنا الحياة الرغيده

سلمان اخو نوره على كل مرصاد .. ومحمد محمد بجنبه عضيده

اللي زرع فيك الثقه وانت تزداد .. ياطيب ابو خالد عسى الله يزيده

سحابتن تمطر لها صوت رعاد .. منها العدو قلبه يوقف وريده

ولا الصديق يقول يارب تنعاد .. وسعود وجه الخير يالله تعيده