ابيات شعرية إهداء من الشاعر تركي بن مشوط للأستاذ سعود القحطاني مستشار الديوان الملكي السابق
بيوت الشعر براقن يلا حي له حنين رعود .. على خد السحابة والهجوس تجود من جوده
تخايله العيون وتعرف المنبوذ والمحمود .. حبال الود والتقدير والعرفان محدوده
يابو سلطان خذ مني سلامن ما عليه قيود .. يخالطها النقل والمسك والكمبود والعوده
على عد الروى نارد وتشرب جمة القرهود .. لنا فكرن يقدينا على القرهود وعدوده
على رمز الشكاله والطناخه والشموخ سعود .. شنار وقفته دون الملوك تخلد جهوده
يابو خالد تفاخر في مواقيفك سلايل هود .. ولنا حق التفاخر في فعول سعود وجدوده
سلامن يبرد كبود ويشب النار وسط كبود .. وعدوان النجاح كبودهم حرقا وملهوده
وقله موقف الظفران لامنسي ولا مجحود .. عليه البيض في روس الجبال الشم مضموده
ودار الوقت والفعل المجمل من عرين اسود .. سعود يجدد التاريخ والافعال ماكوده
سلايل نصف قحطان العريبة فزعة المضهود .. عبيده سعد من دعوى عبيده صارو عضوده
لهم تاريخ يجمل وابو خالد عريب جدود .. وريث شداد واقحطان بفعله وزوده
مخاوف شرق سلوى من سطر راس السعود تزود .. حربهم ثم كربهم والخبيث يلطم خدوده
مقاديم السرايا يوم قدح النار والبارود .. مع عبدالعزيز وصفحة التاريخ مشهوده
عصب راسه على شان الوطن في الموقف المشهود .. وداس اذناب طهران وسيوف الحق مجروده
ولاه لسيدي سلمان ومحمد وثيق عهود .. شموخ فعوله توثق مراد الكفو وعهوده
غدا بث الجزيرة بس باسمه كل يوم يعود .. مجننهم بوقفاته وصملاته ومجهوده
صحيح و موقف الظفر ان لا منسي ولا مجحود .. عليه البيض في روس الجبال الشم مضموده
بلا شكه ولا ريبه ولا هفوه ولا منقود .. يسوق الروح دون الدار وأهل الدار وحدوده
ذعر صيت الشموخ اللي تسابق به هبوب النود .. على كل الخليج اليا عربي بثبت جهوده
تعليقات
إرسال تعليق