عود الفنان فهد العمري يعزف إهداء للمستشار سعود القحطاني ( الراس صامل ) كلمات | سعد بن شفلوت

عود الفنان فهد العمري يعزف إهداء للمستشار سعود القحطاني ( الراس صامل ) كلمات | سعد بن شفلوت

بين الرياح الهادية والشديدة .. هلت هماليل السحايب والأمزان
والبرق يبرق مثل نار وقيده .. والورد قام يلوح في روس الاغصان
وافكار هاجوسي تراود وريده  .. على النقا والحب والحب سلطان
والبال رايق والمشاعر سعيده .. والشعر والشاعر سجين وسجان
اطلقت من سجن التفاكير قيده .. اطلاق شيهان على الصيد شفقان
واللي مهيضني لبدع القصيده .. قصيدة سعود السعد طير حوران
قصيدة فيها علوم وكيده       .. ما قالها الا يوم للقول برهان
والراس صامل والهقاوي بعيده .. والقاف بالمرجان واللول مليان
وباخش فالموضوع يا سعود سيده .. من غير زود في الحقيقة ونقصان
أنا اشهد انك من مشايخ عبيده .. لا والله الا راس من روس قحطان
قريت لك في الطيب سيرة حميده .. مع الوطن لا ثار للحرب دخان
دقيت خشم اهل الردى والمكيده .. والجمت عدوان الشريعة والاخوان
في كل منبر حق ولا جريدة .. اصحبت فيها للوطن خير عنوان
هذا الولاء والتضحية والعقيده .. الا يعز اوطان ويهين عدوان
فتحت للتاريخ صفحة جديدة . . وشرعت بيبان وقفلت بيبان