شيلة الاصيل ابن الاصيل اهداء لمعالي المستشار سعود القحطاني وأداء خالد ال بريك

شيلة الاصيل ابن الاصيل اهداء لمعالي المستشار سعود القحطاني وأداء خالد ال بريك

ياعزيز الجاه يا كاشف الهم الثقيل .. يا القدير القادر المعطي الحي القوي
استجب للي يناجيك في الوقت الفضيل .. واغفر اذنوبه ودله على درب سوي
ماذكرت الا الله وعقبه ارباب الجميل .. الكبار الصفوه اللي لهم فعل وذوي
والتفت بوجه الامداح والشكر الجزيل .. لـ ابن عم مدحته خشمها ما ينزوي

المديح يد ويلد من وجه البخيل .. لو جمع مال الوليد ونفوذ ابن اجلوي
ما يناحر ويتلقى بضحكة واتهليل .. غير قرم له مع الروس نبه واطروي
مثل ابو خالد سعود الاصيل بن الاصيل .. مارد الامداح واهل اللزوم المقصوي
يا ولد عبدالله القرم مزبان الدخيل .. يا سليل العزوة اللي لعزوتهم دوي

انت ابوك اللي يمينه مثل صب المخيل .. مزنة من رشته من همايلها روي
لا بعد حس الرفاقه ولا ثلم قبيل .. وان قبل ودا واذا واجه الخصم ادعوي
نادر طيبه يدرس لجيل عقب جيل .. طول عمره لا تردي ولا زل وغوي
لأن أبوه الفارس اللي ما يوجد له مثيل .. جدك اللي من بغى يوصفه يوي يوي

ضيغمي في وصوفه خيوط المستحيل .. في الخيال اعرض من اطناب خيمة دونوي
من زمان اول وعاد الكرم واهله قليل .. يفتح الباب ويرحب بقاصي وادنوي
يفرح ليا شاف دفرات ضيفانه هشيل .. في محل ماذخربه منيح ومقنوي
كل ما يملك يحطه لضيفانه سبيل .. ذيك تطبخ والثانية تشوي شوي

ومحرق صفر العراقيب بالجمر الكليل .. لجل يركد كل راس من الضرمه خوي
في طرف نار تشادي لمصفات الجبيل .. والزمن هذاك ياقل شباب الضوي
قاسم اللي خلد اسمه بعد يوم الرحيل .. بين اسامي كل نادر وقادر واحموي
يا عساه بجنة الخلد في ظل وظليل .. يتخير ما يحبه من اللي تحتوي

وآل قاسم ف الحقيقة ليا جبت الحصيل .. في كرمهم شفتهم فوق كل اللي روي
ضيفهم يقلط على اللي عزاويها تسيل .. من سنام اللي ترهوي على كف ارهوي
وانت يابو خالد تخامس الجدي واسهيل .. بالفعول النادره والقصيد النخبوي
لأن ابوك وجدك موردينك سلسبيل .. عيلم الامداح ماهو بعد منطوي

ورثوك اهل الاشده شداد وركض خيل .. وسمعة لا شمها الذيب يقنب ويعوي
يا حفيد السرية اللي على العايل تعيل .. من بعيدين النهايا عما كل انهوي
آل قاسم لو تميل الرواسي ما تميل .. من عمد وهابة تبلغ اللي تهتوي
من عبيده نصف قحطاني بالجمع المهيل .. والفخر والعز فى صفحة ما تنطوي

سابقين الشعر والنثر وابحور الخليل .. قبل بن خلدون يخلق وقبل الحموي
مجدهم ماحرفوا فيه شهاد الدجيل .. ولاهو بحاجة مجامل وحافز معنوي
وحدهم في المستديره مسوي مستطيل .. من ورى البضا لديرة ضفيري واعطوي
عزوة تقدم على الموت لاهب الذليل .. الوسط منهم على كسرت الجيش اجروي

لا لقو الاعداء وكل معه سيف صقيل .. انقلب سيف العبيدي سلاح نووي
فعلهم شمس تجيب الضحى مثناة ليل .. لين الاعمش يلقط الحب في عين اللوي
فإن مدحت سعود بمدح وانا وجهي طويل .. مدحتي في راس الامداح ماهي باضعوي
والسلام وجل رب على خلقه وكيل .. المليك اللي على عرش ملكه مستوي